ເຮລີກົບແຕໂຈມຕີ Z-10 ຂອງຈີນ ຕິດຕັ້ງລະບົບຕ້ານສົງຄາມອີເລັກໂຕຼນິກ
ຈີນ ໄດ້ພັດທະນາລະບົບຕ້ານສົງຄາມອີເລັກໂຕຼນິກ ທາງອາກາດລຸ້ນປັບປຸງໃໝ່ ສຳລັບໃຊ້ໃນເຄື່ອງບິນປີກໝູນຂອງຕົນ, ເຊິ່ງເປັນ
ລະບົບຕໍ່ຕ້ານສົງຄາມອີເລັກໂຕຼນິກແບບ KG300G. ລະບົບ KG300G ລຸ້ນໃໝ່ມີຮູບຊົງສີ່ຫຼ່ຽມຄ້າຍຄືກັບກ່ອງ ແຕ່ມີສ່ວນຫົວ ແລະ
ສ່ວນທ້າຍຮູບຊົງຄືກັບວົງມົນ, ລະບົບນີ້ຍັງຕິດຕັ້ງຄີລະບາຍຄວາມຮ້ອນ (Heat sinks) ໃສ່ສ່ວນໂຄງສ້າງດ້ານເທິງ, ໃກ້ມຸດຍຶດຕິດຕັ້ງ
ແລະ ຊ່ອງຮັບອາກາດເຂົ້າ ເພື່ອຮອງຮັບການທຳຄວາມເຢັນລະບົບໄຟຟ້າ, ການອອກແບບຂອງຫ່ວງຍືດຕິດຕັ້ງຮູບຊົງສີ່ຫຼ່ຽມຈັດຕຸລັດຂອງ
ລະບົບຕ້ານສົງຄາມອີເລັກໂຕຼນິກ ແບບ KG300G ລຸ້ນໃໝ່ ເປັນຮູບແບບ ສະເພາະສຳລັບໃຊ້ງານກັບເຄື່ອງ ບິນປີກໝູນ. ລັກສະນະສຳ
ຄັນຂອງ ລະບົບ KG300G ມີຕົວຮັບສັນຍານທິດທາງການຄົ້ນຫາ, ຂີດຄວາມສາມາດໃນການກໍ່ກວນສັນຍານ (jamming) ຫຼາຍເປົ້າ
ໝາຍ ແລະ ວິທະຍາການໜ່ວຍຄວາມຈຳຄວາມຖີ່ວິທະຍຸດິຈີຕອນ. ລະບົບຕໍ່ຕ້ານ ຫຼື ລົບກວນ ສົງຄາມອີເລັກໂຕຼນິກ ແບບ KG300G
ມີການເຮັດວຽກໃນການຄວບຄຸມຄື້ນຄວາມຖີ່ໃນລະຫວ່າງຄວາມຖີ່ 6,5-17,5GHz ແລະຄວບຄຸມທາງພື້ນທີ່ໃນມູມກົ້ມເງີຍທີ່ 30 ອົງ
ສາ ແລະ ມູມໝູນ 45 ອົງສາ.
ຈີນ ໄດ້ເຜີຍແຜ່ພາບເຄື່ອນໄຫວ ສະແດງໃຫ້ເຫັນເຮລີກົບແຕໂຈມຕີ Z-10 ຂອງກອງທັບປົດປ່ອຍປະຊາຊົນຈີນ ທີ່ຕິດຕັ້ງລະບົບ ລົບ
ກວນສັນຍານ KG300G ໃສ່ປີກຄານອາວຸດຂ້າງລຳຕົວຕາມຈຸດແຂງຄູ່ນອກ, ຂະນະທີ່ຕາມຈຸດແຂງຄູ່ໃນ ໄດ້ຕິດຕັ້ງຖັງເຊື້ອໄຟສຳຮອງ
ພາຍນອກລຳຕົວຂະໜາດ 280 ກິໂລກຣາມ.
ແຫຼ່ງທີ່ມາ: ຂກທ
ວັນທີ 27/08/2024